Om oss

Sluppen Grafokordlag er eit frittfarande folkefusion-band med eitt bein solid planta i tradisjonsmusikken i Trøndelag og på Nordmøre, og eitt med tærne dyppa i alt frå grunge til visepopp. Bandet kombinerer slåttar, stubbar og salmetonar med eit spenn av musikalske stiltrekk i ein original og leiken sound.

Med musikarar bevandra i jazzen, folkemusikken, kunstmusikken, punkrocken og kyrkjemusikken byr dei på fengande låtar med tekstar på dialekt, i kryssingspunkta mellom tradisjon og nyskaping, prega av ein oppvekst på 90-talet og ein god dose livserfaring.

Bandet har spelt konsertar og på festivalar i mange format: frå fullt band med fullt trøkk, til intime konsertar som kvartett, trio og duo.

Neste år kjem dei med si første plate.

Runa Kvalsund (vokal, banjo)

Erlend Haseth (gitar)

Ragnhild Nelvik Bruseth (bass, gitar)

Maren Barlien (synth, harmonium, koring) 

Frank Hannasvik (trommar, koring)