Om oss

Sluppen Grafokordlag spelar noko i retning av alternativ folk, med eitt bein solid planta i tradisjonsmusikken i Trøndelag og på Nordmøre, og eitt med tærne dyppa i alt frå grunge til visepopp. Bandet kombinerer slåttar, stubbar og salmetonar med eit spenn av musikalske stiltrekk i ein original og leiken sound.

Med musikarar bevandra i jazzen, folkemusikken, kunstmusikken, punkrocken og kyrkjemusikken byr dei på fengande låtar med tekstar på dialekt, i kryssingspunkta mellom tradisjon og nyskaping, prega av ein oppvekst i meir eller mindre urbane strok på 90-talet.

Og neste år kjem dei med si første plate!

Erlend Haseth (gitar), Ragnhild Nelvik Bruseth (bass, gitar), Maren Barlien (synth, harmonium, koring), Frank Hannasvik (trommar, koring), Runa Kvalsund (vokal, banjo)